Tamilmeen

Ganga Yamuna Saraswathi Episode 19

koppiyam / 10 Years Old Child Dead Case / After Drinking Soft Drinks / Shocking News

40 கிலோ கல்லை வயிற்றில் சுமந்து கர்ப்பம் என ஏமாந்த‌ பெண்

அம்பிகாபூர், பிப். 15-

சத்தீஸ்கர் மாநிலம் அம்பிகாபூர் பகுதியைச் சேர்ந்த பெண் ஒருவர் சமீபத்தில் வயிற்றில் கடுமையான வலியால் அவதிப்பட்டு வந்தார். அவர் தன் வயிறு பெரிதாக இருப்பதை கர்ப்பம் என்றும் நினைத்துக் கொண்டிருந்தார். வலி தீவிரமடைந்ததும் அம்பிகாபூரில் உள்ள சூப்பர் ஸ்பெஷாலிட்டி மருத்துவமனைக்கு சென்றார். அவரது வயிற்றைப் பரிசோதித்த மருத்துவர்கள் அவரது வயிற்றில் மிகப்பெரிய கல் இருப்பதைக் கண்டுபிடித்தனர்.

கிட்டத்தட்ட இரண்டாண்டு காலமாக வயிற்றில் அந்தக் கல்லுடன் இருந்துள்ளார் அப்பெண். சுமார் 40 கிலோ எடையுள்ள கல் அறுவைச் சிகிச்சை மூலம் அகற்றப்பட்டது.

மருத்துவர்கள் விசாரித்ததில், வயிறு வீங்கி இருப்பதற்குக் காரணம் கர்ப்பம் என அவரது குடும்பத்தார் புரிந்து கொண்டதாக அந்த பெண் தெரிவித்துள்ளார்.

source maalaimalar

பெண்களை இழிவு படுத்தியதாக வழக்கு: அனிருத் கைதாவாரா?

தனுஷ் நடித்த ‘3’ படத்துக்கு இசையமைத்து பிரபலமானவர் அனிருத். இப்படத்தில் இடம் பெற்ற ஒய்திஸ் கொலை வெறி பாடல் உலகம் முழுவதும் பட்டையை கிளப்பியது. இதனால் அனிருத்துக்கு படங்கள் குவிந்தன.

இன்னொரு புறம் சர்ச்சைகளிலும் சிக்கினார். நடிகை ஆண்ட்ரியாவை அனிருத் முத்தமிடுவது போன்ற படங்கள் இன்டர்நெட்டில் வெளியாகி பரபரப்பை ஏற்படுத்தின.

தற்போது யூடியூப்பில் பெண்களை இழிவுபடுத்தும் வகையில் இசை ஆல்பம் ஒன்றை வெளியிட்டு இருப்பதாக அவர் மீது குற்றம் சாட்டப்பட்டு உள்ளது. இந்த இசை ஆல்பத்தில் பெண்களை ஆபாசமாக சித்தரிக்கும் வார்த்தைகள் இடம் பெற்றுள்ளதாகவும் கூறப்படுகிறது.

பின்னர் அனிருத் மீது நடவடிக்கை எடுக்க போலீசாருக்கு உத்தரவிட கோரி கோர்ட்டிலும் வழக்கு தொடரப்பட்டது. இதை விசாரித்த நீதிபதி வழக்குப்பதிவு செய்ய உத்தரவிட்டார். இதையடுத்து போலீசார் அனிருத் மீது வழக்கு பதிவு செய்து விசாரணையை தொடங்கி உள்ளனர். அனிருத்திடம், நேரில் விசாரணை நடத்துகிறார்கள். குற்றம், நிரூபிக்கப்பட்டால் அனிருத் கைதாவார் என எதிர்பார்க்கப்படுகிறது.

source maalaimalar

என்னைப் போன்ற முதல்–மந்திரி எங்கும் இல்லை: ஆதரவாளர்கள் மத்தியில் கெஜ்ரிவால் ஆவேசம்

புதுடெல்லி, பிப். 15–

டெல்லி சட்டசபையில் ஜன் லோக்பால் மசோதாவை நிறைவேற்ற முடியாததால் கெஜ்ரிவால் முதல்–மந்திரி பதவியை ராஜினாமா செய்தார். அதன் பிறகு நேற்று இரவு கொட்டும் மழையில் ஆம் ஆத்மி கட்சி அலுவலகம் சென்று கட்சியின் முக்கிய நிர்வாகிகளுடன் ஆலோசனை நடத்தினார்.

கட்சியினர் மத்தியில் தான் பதவியை ராஜினாமா செய்து இருக்கும் விவரத்தை கூறினார். ‘‘நான் சட்டபடி ராஜினாமா செய்ய வேண்டும் என்பதால் அதை செய்தேன். அதே சமயம் நானும், நம் தலைவர்களும் ஜெயிலில் இருந்து விடுதலையானது போன்ற உணர்வை அடைந்து இருக்கிறார்கள்’’ என்றார்.

ராஜினாமா பற்றி அறிந்ததும் இன்று காலை அரவிந்த் கெஜ்ரிவால் வீட்டின் முன் ஏராளமான ஆதரவாளர்கள் திரண்டு இருந்தனர். இதை அறிந்த கெஜ்ரிவால் வீட்டில் இருந்து வெளியே வந்து ஆதரவாளர்களை சந்தித்தார்.

முதல் – மந்திரி பதவியை ராஜினாமா செய்ததற்காக அவர்கள் கெஜ்ரிவாலை பாராட்டி வாழ்த்து தெரிவித்தனர். அவர்களது வாழ்த்துக்களை கெஜ்ரிவால் புன் முறுவலுடன் ஏற்றுக் கொண்டார்.

ஆதரவாளர்கள் மத்தியில் கெஜ்ரிவால் பேசுகையில், ‘‘என்னைப் போன்ற முதல்–மந்திரி வேறு எங்கும் இல்லை. ஆனால் என்னால் முடிந்ததை செய்ய மீண்டும் முயற்சிப்பேன்’’ என்று ஆவேசமாக கூறினார்.

source maalaimalar

வாஜ்பாயிடம் பழகியது போன்ற வாய்ப்பு உருவானால் மோடியையும் கருணாநிதிக்கு பிடிக்கும்: வானதி சீனிவாசன்

ஈரோடு, பிப். 15–

பா.ஜ.க. மாநில பொதுச் செயலாளர் வானதி சீனிவாசன் ஈரோட்டில் நிருபர்களுக்கு பேட்டி அளித்தார். அப்போது அவர் கூறியதாவது:–

பூரண மதுவிலக்கினை கொண்டு வந்தால் பொருளாதாரம் மேம்படும். சமூகம் பாதுகாக்கப்படும். மதுவினால் பெண்களுக்கு எதிரான குற்றங்கள் அதிகரிக்கின்றன. எனவே பூரண மதுவிலக்கினை அமல்படுத்த வேண்டும்.

நரேந்திரமோடி முதல்–மந்திரி ஆன பின்னால் குஜராத் அபார வளர்ச்சி கண்டுள்ளது. 10 ஆண்டுகளுக்கு முன்பு மின்பற்றாக்குறை நிலவிய குஜராத் தற்போது 16 மாநிலங்களுக்கு மின்சாரத்தை விற்கிறது.

இந்தியாவில் குஜராத் மாநிலத்தில் மட்டும்தான் காவல்துறையில் இஸ்லாமியர்கள் அதிக அளவில் பணியாற்றுகிறார்கள். அங்குள்ள சிறுபான்மை மக்களின் பொருளாதாரம் மேம்பட்டுள்ளது.

வாஜ்பாய் சிறந்த தலைவர் என்று தி.மு.க. தலைவர் கருணாநிதி சொன்னதை வரவேற்கிறோம். வாஜ்பாயின் பா.ஜ.க. வேறு, மோடியின் பா.ஜ.க. வேறு என்று கருணாநிதி கூறியுள்ளார். வாஜ்பாயுடன் பழகியது போல நரேந்திரமோடியுடன் பழகும் வாய்ப்பு உருவானால் மோடியையும் கருணாநிதிக்கு பிடிக்கும். பாராளுமன்ற தேர்தலில் 3–வது அணி காணாமல் போகும். 3–வது அணியில் இருக்கும் கட்சிகளால் நாட்டின் பொருளாதார கொள்கைகளில் ஒருமித்த கருத்தை எட்ட முடியாது. நரேந்திரமோடி நாட்டின் பிரதமர் ஆவார்.

இவ்வாறு அவர் கூறினார்.

பெருந்துறை தாமரை திடலில் பா.ஜ.க. மகளிரணி சார்பில் இன்று (சனிக்கிழமை) மாலை 3 மணிக்கு பூரண மதுவிலக்கினை வலியுறுத்தி தாலிகாக்கும் தாமரை போராட்டம் நடக்கிறது. இதில் கட்சியின் மாநில தலைவர் பொன். ராதாகிருஷ்ணன், அகில இந்திய மகளிரணி தலைவர் சரோஜ் பாண்டே, மாநில மகளிரணி தலைவி தமிழரசி யோகம் உள்பட பலர் கலந்து கொள்கிறார்கள்.

source maalaimalar

ரஜினியின் ‘கோச்சடையான்’ பாடல் வெளியீடு மீண்டும் தள்ளிவைப்பு

ரஜினியின் கோச்சடையான் பாடல் வெளியீட்டு விழா மீண்டும் தள்ளிப் போகிறது.

இவ்விழாவை வருகிற 28–ந்தேதி பிரமாண்டமாக நடத்த திட்டமிட்டனர். இதற்கான ஏற்பாடுகளும் நடந்து வந்தன. தற்போது அடுத்த மாதம் (மார்ச்) இரண்டாவது வாரத்துக்கு பாடல் வெளியீட்டு விழாவை தள்ளி வைத்தனர். கடந்த மாதமே பாடல்களை விழா நடத்தி வெளியிட திட்டமிட்டனர். இப்போது இரண்டாவது முறையாக தள்ளி வைக்கப்பட்டு உள்ளது.

‘கோச்சடையான்’ படம் ஏப்ரல் 11–ந்தேதி உலகம் முழுவதும் ரிலீசாகும் என அறிவிக்கப்பட்டு உள்ளது. தமிழ், தெலுங்கு, இந்தி உள்பட பல்வேறு மொழிகளில் வருகிறது. மொத்தம் 6 ஆயிரம் தியேட்டர்களில் திரையிடப்படுகிறது.

கோச்சடையான் படம் அவதார், டின் டின் போன்ற ஹாலிவுட் அனிமேஷன் படங்கள் போன்று தயாராகியுள்ளது. மோஷன் கேப்ஷர் தொழில்நுட்பம் புகுத்தப்பட்டு உள்ளது.

இதில் ரஜினி இரு வேடங்களில் நடித்துள்ளார். நாயகியாக தீபிகா படுகோனே நடித்துள்ளார். சரத்குமார், ஷோபனா, ஆதி, ருக்மணி, விஜயகுமார், ஜாக்கி ஷெராப், நாசர் ஆகியோரும் நடித்துள்ளனர். ரஜினி மகள் சவுந்தர்யா இயக்கியுள்ளார். ஏ.ஆர்.ரகுமான் இசைமையத்துள்ளார். வரலாற்று கதையம்சத்தில் உருவாகியுள்ளது.

source maalaimalar

‘திரிஷ்யம்’ படம் ரீமேக்: கமலுடன் ஜோடி சேர போட்டிபோடும் நடிகைகள்

மோகன்லால், மீனா நடித்து மலையாளத்தில் ‘திரிஷ்யம்’ படம் வெளியாகி வெற்றிகரமாக ஓடியது. ரூ.50 கோடிக்கு மேல் வசூலையும் ஈட்டியது. இப்படத்தை வேறு மொழிகளில் ரீமேக் செய்ய போட்டா போட்டி நடக்கிறது.

தமிழ் ரீமேக்கில் கமலஹாசனும், தெலுங்கு ரீமேக்கில் வெங்கடேசும் நடிக்கின்றனர். இந்தியிலும் இப்படம் தயாராகிறது. மோகன்லால் கேரக்டரில் அக்ஷய்குமார் நடிப்பார் என தெரிகிறது.

மலையாளத்தில் நடித்த மீனாவையே தமிழிலும் கமல் ஜோடியாக நடிக்க வைக்க பரிசீலித்தனர். இருவரும் ஏற்கனவே அவ்வை சண்முகி படத்தில் இணைந்து நடித்துள்ளார்கள். பிறகு நதியாவும் பரிசீலிக்கப்பட்டார். கமலும் நதியாவும் இணைந்து படங்களில் இதுவரை நடிக்கவில்லை. இருவரில் ஒருவர் ஜோடியாவார் என எதிர்பார்க்கப்பட்டது.

இந்த நிலையில் தற்போது சிம்ரன் பெயரும் அடிபடுகிறது. கமலும், சிம்ரனும் ‘பம்மல் கே சம்பந்தம்’, ‘பஞ்ச தந்திரம்’ படங்களில் இணைந்து நடித்துள்ளனர்.

சிம்ரன் டி.வி. நிகழ்ச்சிகளில் பங்கேற்று வருகிறார். சமீப காலமாக படங்கள் எதிலும் நடிக்கவில்லை. கமலுடன் நடித்து இன்னொரு ரவுண்ட் வர விரும்புவதாக கூறப்படுகிறது.

காதலர் தினத்தில் வெளியான சிம்புவின் ‘வாலு’ பட பாடல்

சிம்பு, ஹன்சிகா மோத்வானி இணைந்து நடித்துக்கொண்டிருக்கும் படம் ‘வாலு’. இப்படத்தை விஜய் சந்தர் இயக்கி வருகிறார். தமன் இசையமைத்திருக்கிறார். இப்படத்தின் புரமோ பாடலை சிம்பு, காதலர் தினமான நேற்று இணையதளத்தில் வெளியிட்டுள்ளார்.

சிம்பு ‘வாலு’ படத்தில் இடம் பெற்றுள்ள ‘லவ் என்றவன் நீ யாருடா’ என்னும் பாடலின் ஆடியோ ஏற்கனவே வெளியாகி ரசிகர் மனதில் இடம்பிடித்து பெரும் வரவேற்பை பெற்றது. தற்போது இப்பாடலின் புரமோ வீடியோவை சிம்பு, காதலர் தினத்தில் வெளியிட்டது மேலும் ரசிகர்களின் வரவேற்பை பெற்றுள்ளது. இதற்காக சிம்பு ரசிகர்களுக்கு நன்றி தெரிவித்துள்ளார்.

ஏற்கனவே ரசிகர்கள் மத்தியில் ‘வாலு’ படத்தை பற்றி எதிர்பார்ப்பு உள்ளது. தற்போது வீடியோ மூலம் ரசிகர்கள் மனதில் கூடுதல் எதிர்பார்ப்பை ஏற்படுத்தியுள்ளது.

source maalaimalar

ஜெர்மனியில் குழந்தைகள் ஆபாசபட விவகாரம்: மந்திரி ராஜினாமா

பெர்லின், பிப். 15-

ஜெர்மனியில் உணவு மற்றும் விவசாயத்துறை மந்திரியாக இருந்தவர் ஹன்ஸ் பீட்டர் பிரிட்ரிச். இவர், குழந்தைகள் ஆபாச பட விவகாரத்தில் விசாரணை தொடர்பான ரகசியங்களை வெளியிட்டதற்காக இவரை இருநாட்களுக்கு முன் பணிநீக்கம் செய்து அந்நாட்டு அதிபர் ஏஞ்சலா மெர்கெல் உத்தரவிட்டுள்ளார்.

சமூக ஜனநாயக கட்சியின் முன்னாள் உள்துறை மந்திரியான எடாத்தேவுக்கு எதிரான இவ்வழக்கில் முக்கிய ரகசியங்களை வெளியிட்டதாக ஹன்ஸ் பீட்டர் பிரிட்ரிச் மீது குற்றம் சாட்டப்பட்டுள்ளது. இதனை அவர் ஏற்றுக்கொண்டு பதவி விலகினார்.

இதுபற்றி அதிபர் மெர்கெல் கூறுகையில், “பிரிட்ரிச்சின் ராஜினாமா ஏற்றுக்கொள்ளப்பட்டுள்ளது. எடாத்தே மீதான விசாரணை தொடர்ந்து நடைபெற்று வருகிறது” என்று தெரிவித்தார்.

source maalaimalar

Subscribe to: Posts ( Atom )

Tamilmeen

Search Tamilmeen

Sun Tv

Vijay Tv

Raj tv

Polimer tv

Zee Tamil

Ganga Yamuna Saraswathi Episode 19

koppiyam / 10 Years Old Child Dead Case / After Drinking Soft Drinks / Shocking News

40 கிலோ கல்லை வயிற்றில் சுமந்து கர்ப்பம் என ஏமாந்த‌ பெண்

பெண்களை இழிவு படுத்தியதாக வழக்கு: அனிருத் கைதாவாரா?

என்னைப் போன்ற முதல்–மந்திரி எங்கும் இல்லை: ஆதரவாளர்கள் மத்தியில் கெஜ்ரிவால் ஆவேசம்

வாஜ்பாயிடம் பழகியது போன்ற வாய்ப்பு உருவானால் மோடியையும் கருணாநிதிக்கு பிடிக்கும்: வானதி சீனிவாசன்

ரஜினியின் ‘கோச்சடையான்’ பாடல் வெளியீடு மீண்டும் தள்ளிவைப்பு

‘திரிஷ்யம்’ படம் ரீமேக்: கமலுடன் ஜோடி சேர போட்டிபோடும் நடிகைகள்

காதலர் தினத்தில் வெளியான சிம்புவின் ‘வாலு’ பட பாடல்

ஜெர்மனியில் குழந்தைகள் ஆபாசபட விவகாரம்: மந்திரி ராஜினாமா

Popular Posts

Blog Archive